Головна

Велӧдчам лӧсьӧдны да гижны текст

  1. II. Композиция научного текста
  2. MS Word. Для того, чтобы на участке текста сменить тип и размер шрифта надо
  3. VII. Перепишите и письменно переведите 1, 2 и 3 абзацы текста. Выполните задание после текста.
  4. VII. Прочитайте и переведите весь текст письменно. Составьте краткую аннотацию к тексту.
  5. X. Особенности работы над текстом
  6. XIX Интертекстуальность.
  7. XVII Подход к жанровой классификации в современной теории литературы (жанры дискурса и жанры текста).

Лыддьы, бурмӧд, стӧчмӧд ассьыд тӧдӧмлунтӧ текст йылысь.

Текст - кутшӧмкӧ тема вылӧ гижтӧг либӧ гижӧмӧн лӧсьӧдӧм сёрни, кӧні эм панас (заводитчӧм), шӧр юкӧн, пом. Текст артмӧ тема да вежӧртас серти ӧта-мӧдыскӧд йитчӧм сёрникузяясысь. Сёрнисӧ артмӧдӧма кутшӧмкӧ мог пуктӧмӧн: мый йылысь кӧ юӧртны, кутшӧмкӧ могӧн шыӧдчыны, мый йылысь кӧ мӧвпавны, мыйкӧ серпасавны.

Текст отсӧгнас сёрнитысь юксьӧ аслас видзӧдласӧн, мӧвпъясӧн, а лыддьысьыс, кывзысьыс вежӧртӧ, гӧгӧрвоӧ шӧр мӧвпсӧ, ачыс мӧвпалӧ, донъялӧ сійӧс, мый лыддис либӧ кыліс. Быд текстлӧн эм тема да ним, юрним. Текстлӧн теманас лоӧ сiйӧ, мый йылысь висьталӧма либӧ гижӧма сэнi. Нимыс йитчӧ темаыскӧд, шӧр мӧвпыскӧд. Ним сертиыс позьö тöдмавны, код йылысь, мый йылысь текстыс, кутшöм кадö да кöнi вöлöма петкöдланторйыс. Нимнас вермас лоны кутшöмкö шусьöг, дзебöм вежöртаса кыв-символ. Текстлысь юрнимсö позьö öткодявны вевткöд, кышöдкöд.

86Лыддьы, тӧдмав кӧні текстыс, пасйы номерсӧ

1. Зэра, шондіа, ар, овлыны, то, поводдя.

2. Арнас поводдяыд то зэра, то шондіа. Тӧв шӧрнас виччысьтӧг ульсаліс.

3. Арнас поводдяыд то зэра, то шондіа. Поводдя вежласьӧмыс оз торк матысса вӧрӧ ветлӧмӧс. А вӧрыс быд лун олӧ аслас олӧмӧн. Лӧньӧма, шогсьыштӧ быттьӧ зэрасигӧн, нюмдылӧ, югзьылӧ арся шонділӧн скуп югӧръяс улын. Руд поводдянас гажтӧмкодь и меным, а мича дырйи кыпыд ловлы, лӧсьыд сьöлöмлы.

871. Мый серти тӧдмалін текстсö? Кутшӧм текстыслӧн темаыс? Мӧвпышт,

кутшӧм текстыс сёрни мог сертиыс. Кутшӧм мӧвп чужтӧ текстыс? Гиж

вочакывтӧ.

___

___

___

2. Кутшӧм ним лӧсялас тайӧ текстыслы? Бӧрйы да визьнит.

Арся вӧр. Арся поводдя. Ме радейта арся вӧр. Вӧр олӧ аслас олӧмӧн.

88 Лыддьы, мӧвпышт, лоас-ӧ гижӧдыс текстӧн. Кутшӧм могӧн лӧсьӧдӧма

тайӧ гижӧдсӧ?

Пыдди пуктана велӧдчысьяс! Йирым 12-ӧд лунӧ школаын нуӧдам «Пӧкрӧвводзса арся рытпук». Быд класслы колӧ дасьтыны ворсӧмъяс, сценкаяс, серпасъяс. Корам чукӧртчыны 16 часын актӧвӧй залӧ.

___

Лыддьы, содты тӧдӧмлунтӧ текстъяс йылысь.

Эмӧсь текстъяс, кӧні эм кутшӧмкӧ корӧм, юӧртӧм, чолӧмалӧм, ас йылысь висьталӧм, норасьӧм, мыйкӧ ошкӧм. Тайӧ ичӧт йӧрыша, дженьыд текстъяс: аттьӧалан гижӧдъяс, смс-яс, письмӧяс, афишаяс, газет-журналӧ юӧртӧмъяс да с. В. Ми найӧс тшӧкыда асьным лӧсьӧдам, йӧзӧдам, козьналам, ыстам мӧда-мӧдлы, лыддям.

Дженьыд текстъяс колӧ лӧсьӧдны бура мӧвпыштӧмӧн, лабутнӧя, мӧд мортӧс пыдди пуктӧмöн, мед лыддьысьыслы, кывзысьыслы вӧлі ставыс гӧгӧрвоана.

89 Лыддьы дженьыд текстъяссӧ, тӧдмав сикассӧ, гиж.

1. Школа директорлы.

Кора босьтны менӧ лыжиӧн ордйысигкежлӧ дасьтысян командаӧ.

Шучалин Ӧльӧксан

Тайӧ ___

2. Дона велӧдчысьяс! Выль вося гаж воссяс ӧшым 28-ӧд лунӧ 15 часын. Локтӧй гаж вылӧ маскаясӧн, мича паськӧмӧн. Лоасны ворсӧмъяс, конкурсъяс.

Тайӧ ___

3. Вера, виччысь менö школа дорын. Öтлаын пырам. Эм сёрни.

Тайö ___

4. Ме, Канев Василий, чужи 20__-ӧд вося ӧшым тӧлысь 10-ӧд лунӧ. Чужанінӧй Изьва сикт. Менам айӧй Канев Иван Николаевич, мамӧй Канева Нина Васильевна. Эм Зинаида чой. Велӧдча 7-ӧд классын. Бура велӧдчӧмысь эм аттьӧалана гижӧдъяс, грамотаяс. Ветла театр кружокӧ. (Портфолиоысь)

Тайӧ ___

 



Тiньгö пеляд ___ | На-ö öдйö позьö велöдчыны лöсьöдны текст?

Дженьдӧдӧм пасъяс | Чолöмала выль велӧдчан воӧн! | Коми анбур лӧсьӧдысь | Коми анбур. Шы да шыпас. | Кыв. Кывсикас. Кывтэчас. Сёрникузя | Кыв. Кыв артмӧм. Гижанног | Лексика - кыв озырлун | Сёрниын кывлöн тöдчанлун. Сёрни этш. | Сёрни да гижöд | Уджалан - ылöдз нималан», «Талун кö ог видзöй, аски мый лоö». |

© 2016-2022  um.co.ua - учбові матеріали та реферати