Головна

Чолöмала выль велӧдчан воӧн!

Восьты тетрадьсö, видлав, видзöд, тöдмась, мед гöгöрвоны дженьыд пасъяссö, мый серти колö вöчны уджсö, мед öдйöджык аддзыны-казявны гижöм вылö сетöм визьяссö, но и медводдза видзöдлöмсяньыс донъявны тетрадьсö: уджъясыс вöчны позянаöсь-ö, ёна-ö сьöкыдöсь, чужас-ö найöс вöчны кöсйöмныд да с.в.

«Сёрнитам да гижам комиöн» тетрадь лöсьöдöма сы могысь, медым:

- сӧвмöдны-бурмöдны чужан коми кывъя сёрнитö;

- водзö велöдчыны сёрнитны вежавидзöмöн, этш тöдöмöн, морта-мортöс пыдди пуктöмöн;

- паськӧдны-джудждöдны коми кывйысь да литератураысь тӧдӧмлунтӧ да кужӧмлунтӧ;

- уджъяссö вöчöм помысь велавны шедöдны коми кывйысь да литератураысь вылыс тшупöда бöртас (результат);

- бурджыка тöдмавны асгöгöрса олöм, чужан муын олысь йöзлысь олан этшсö, культурасö, пыдди пуктыны, видзны йöзöн вöчöмсö, шедöдöмторъяссö;

- велöдчыны кутны асьтö чужан муын олысь, сійöс дорйыны-видзны кужысь мортöн.

Тетрадяс уджавны позяс урок дырйи (содтӧд либӧ донъялан удж пыдди) да гортад. Пондан вӧчны аслад тӧдӧмлун да кужанлун сертиыд. Öткымын удж вöчигöн позьö шыöдчывны öтуввезйö-интернетö, та могысь сетöма некымын инпас (электроннöй адрес).

Уджтö вöчöм бöрын медводз донъяв ачыд, сэсся гортсаясыдлы петкöдлы, ёртыдкöд юксьы. Велöдысьыд уджтö донъявтöдз, дерт, медколана, стöч индöдъяс сетас. А тэ кывзы да сюркняв пель саяд, мед водзö эн сорсьы.

Сиа сöмын бур вермӧмъяс!

Автор


Коми кыв - мем чужан кыв, сёрнита ме сыӧн,

Весиг вӧр-ва горалӧ муса коми шыӧн...

1Лыддьы Коми му, коми йӧз, коми кыв йылысь текстъяс.

Лыддьы, мӧвпав, мый тӧдчӧдӧма быд гижысь аслас шуӧмӧн.

Радейта ме тэнӧ, ас чужан муӧй!

Муна кӧть мӧд муӧ - тэ дінын думӧй...

Радейта тэнсьыд ме тулыс и гожӧм,

Зэра ар, кӧдзыд тӧв, во гӧгӧр олӧм...

Радейта унатор ас чужан муысь!

Радейта сэтшӧма - ог вермы шуныс. (Небдінса Виттор)

Кыдз нӧ тэтӧгыс ме,

Ай-мам кывворӧй?

Кыдз нӧ тэтӧгыс ме,

Вӧр-ва сыв-сорӧй?

Кыдз нӧ тэтӧгыс ме,

Муӧй-мойдысьӧй?

Мыйла тэтӧгыс ме,

Сьӧлӧм дойдысьӧй. (Юрий Васютов)

Чужан кыв,

ай-мам кыв

сьӧлӧмын.

Чужан кыв,

ай-мам кыв

сьыланын.

Чужан кыв

ай-мам кыв

кылӧ на!

Чужан кыв,

ай-мам кыв,

тэтӧг ылалам...(Галина Бутырева)

2Мый шуан тэ аслад чужан кыв йылысь? Мӧвпышт да гиж.

___

___

___

___



Дженьдӧдӧм пасъяс | Коми анбур лӧсьӧдысь

Коми анбур. Шы да шыпас. | Кыв. Кывсикас. Кывтэчас. Сёрникузя | Кыв. Кыв артмӧм. Гижанног | Лексика - кыв озырлун | Сёрниын кывлöн тöдчанлун. Сёрни этш. | Сёрни да гижöд | Тiньгö пеляд ___ | Велӧдчам лӧсьӧдны да гижны текст | На-ö öдйö позьö велöдчыны лöсьöдны текст? | Уджалан - ылöдз нималан», «Талун кö ог видзöй, аски мый лоö». |

© 2016-2022  um.co.ua - учбові матеріали та реферати